Kinompirmar ni Allience of Concerned Teachers – Cordillera President Joel Capulong nga awan ti naisayangkat a dakkel ken pudno a konsultasyon mainaig kadagiti addang nga isaysayangkat ti Department of Education (DepEd).
Iti interview ti Bombo Radyo, kinuna ni Capulong a marigatan dagitoy iti kanito a maiplimentar ti Trimester system.
Impetteng daytoy a kangrunaan a parikotda ti panagsagana ken panagaramid iti materials nga adalen dagiti estudiante iti kanito a maipatungal ti nasao a sistema.
Nupay kasta, agyam-yaman daytoy agsipudta inwaragawag ti DepEd a maad-adal paylaeng ti Trimester system.
Inlawlawag ni Capulong a saanda laeng a kontra iti plano ti DepEd no diket, ad-adalenda metlaeng daytoy.
Kidkiddawenna iti nasao nga ahensia nga adalenda a nasayaat ti pannakaipatungpal ti Trimester system babaen metlaeng iti konsultation kadagiti parentes, estudiante ken mannursuro.//mp4
