Nagleppasen idi June 25, 2026 ti pre-trial conference para iti impeachment case ni Vice President Sara Duterte.
Naileppas daytoy a saan a nalukluktan ti sealed box a naglaun iti tax documents ti bise presidente manipud ti Bureau of Internal Revenue (BIR).
Sigun kenni Bicol Saro Rep. Terry Ridon, maysa kadagiti House prosecutors, saan metlaeng a namarkaan ti sealed BIR box kas ebidensiya iti impeachment trial ni Duterte.
Immuna a nangipila ti House prosecution panel iti manefestation a mangkiddaw a maluktan ti sealed box.
Nupay kasta, kinuna ni House prosecutor Ridon a ti Senate impeachment court ti addaan ti karbengan a manglukat iti nasao a box.
Maipalagip nga imbilin ti House Justice Committee a masilyoan ti box kalpasan a nagkedked ti BIR a maluktan daytoy kabayatan ti panagdengngeg iti impeachment complaint kontra kenni VP Duterte.
