--Ads--
Naituding ti pre-trial hearing ti malversation ken dadduma pay a kaso dagiti sigud a Department of Public Works and Highways engineers inton Abril 13 iti agdama a tawen idiay Quezon City Regional Trial Court sigun iti Department of Justice.
Sigun kenni Department of Justice spokesperson Atty. Polo Martinez naipila dagiti kaso a malversation, falsification, perjury, ken graft cases da Brice Hernandez, Jaypee Mendoza, ken dadduma pay nga indibidwal ket naipila idi Enero ken Pebrero ita a tawen idiay Bulacan Regional Trial Court.
Maipalagip nga idi metlaeng Enero ti agdama a tawen, naideklara kas state witnesses da Alcantara, Santos, ken sigud nga undersecretary Roberto Bernardo ken engineer Gerard Opulence. //BomboKCS
