BAGUIO CITY – Simmangpeten ditoy siudad ti Baguio ni Presidente Rodrigo Duterte nga agserbi a kangrunaan a sangaili iti alumni homecoming ti Philippine Military Academy (PMA) ita nga aldaw.
Naamuan nga idi rabii sadiay Baguio Country Club ket nakipangrabii daytoy kadagiti miyembro ti PMA “Dimasupil” Class of 1967 no sadino, ditoy nga inkarina a saanna nga ibabain ti klase a nangadaptar kenkuana.
Idi kalman ket nangrugin ti registration ken dagiti preliminary events kas iti golf tournament ken friendly basketball event dagiti alumni.
Manamnama a dumanon iti limaribu nga alumni ken dependents dagitoy ti dumar-ay ken makipaset iti nasao nga aktibidad.
Agserbi a host class dagiti nagleppas iti ‘2’ ken ‘7’ a tawen pakairamanan ti golden jubilarian a PMA Class of 1967 a nangadaptar kenni Pres. Duterte.
Naingetan metten ti seguridad a maipatpatungpal ita iti PMA, ken masukimat ti amin a kagawaan dagiti umuneg iti akademya.
