Nagballaag ni President Ferdinand Marcos Jr. a saan a nalpas ti gobierno iti panangipaay ti dusa kadagiti adda iti likudan dagiti ghost projects iti pagilian.
Sigun kenkuana, napaay dagiti napalabas nga administrasion a mangrisut iti nasao nga isyu.
Innayonna nga immuna a naduktalan ni former House minority leader ken daydi Nonoy Andaya ti nasurok P300 billion flood control mess idi 2018.
Malaksid iti dayta, kinunana nga idi 2017 agingga 2018, binigbig idi ni sigud a president Rodrigo Duterte nga adda ti dakkel a parikut no maipapan kadagiti flood control projects.
Nupay kasta, awan ti napasamak ken awan ti nagbalin a responsable.
Kabayatanna, inwaksi ni President Marcos dagiti alegasion nga adda ti pakainaiganna iti naanomalyaan a flood control.
Sigun kenkuana, daytoy ti nangibutaktak iti anomalya ken daytoy ti nangirugi iti imbestigasion.
“I’m the one who exposed all of this and I’m the only one that has started to do anything about this. Bakit ang mga nakaran ba na Pangulo, may nakita ba kayong ginawang ganon? Meron ba silang kinulong? Meron ba silang pina-freeze na account? Meron ba silang mga imbestigasion na ginawa? Wala, Sa akin lang. Tapos sasabihin, ako daw ang may kagagawan, E kung talagang racket ko yun, ba’t ko sisirain yung racket ko? That makes absolutely no sense,” sigund iti presidente.
