Inyebkas ni President Ferdinand Marcos Jr. a nakasagana nga ipakita iti publiko ti Statement of Assets, Liabilities and Networth (SALN) iti “proper authority” ken maitunos iti proseso nga indatag ti Office of the Ombudsman.
Sigun kenni Palace Press Officer Claire Castro a kayatna nga ilawlawag ti kinuna ni Executive Secretary Lucas Bersamin a saan a mabalin a siasinoman ti makakita kadagiti SALN dagiti cabinet officials ken ti president mismo.
Nupay kasta, kinuna ni Castro a ni President Marcos mismo ti nangiyebkas a kayatna nga ipakita iti publiko ti SALN iti umno nga otoridad ken maitunos iti pammilin ti Ombudsman.
Impasigurado ti pannakangiwat nga agtulnog ti Presidente kadagiti pagannurutan nga inkeddeng ti Ombudsman seknan iti panangiruar ti SALN.
Maipalagip nga immuna a kinuna ni Pres. Marcos a nakasagana daytoy nga ipakitana iti publiko ti SALN daytoy ken kasta metten dagiti gabinetena ket guyuguyenna.
