Inlawlawag ti Malacanang a dimmar-ay ni President Ferdinand “Bongbong” Marcos iti maysa nga economic council meeting isu’t gapunna a saan a nakaatendar daytoy iti panangsabat kadagiti nakaawid a Pilipino manipud Middle East a simmangpet iti pagilian idi Miyerkules.
Nupay kasta , sigun kenni Palace Press Officer Usec. Claire Castro, inbilin ti presidente iti Villamor Air Base (Maharlika) a papartaken dagitoy ti panangiproseso kadagiti kasapulan dagiti Pilipino tapno dagos a makaawid dagitoy kadagiti probinsiyada ken makaduada dagiti pappamilyada.
Kabayatanna, inlawlawag ni Undersecretary Castro a napagtatalantanan iti nasao nga economic council meeting a dinar-ayan ni President Ferdinand Marcos Jr. dagiti napapateg a programa ti gobyerno pakairaman ti edukasyob, imprastraktura, ken reconstruction ken development ti Greater Marawi (Stage 2) pakairamanan ti Unified Grand Central Project. //bombokcs
