Inwaragwag ni Ferdinand ”Bongbong” Marcos Jr. idiay Tacloban City idi kalman a saan a nasayaat ti mangpapatay ti rinibribu a tattao tapno malabanan ti krimen ken iligal a droga.
Daytoy ket kagiddan ti naikeddeng a panagparang ni sigud a President Rodrigo Duterte iti ICC idiay The Hague, Netherlands.
Bayat ti panagkampaniana kadagiti kandidato a senador ti Alyansa Para Sa Bagong Pilipinas, kinuna ni Marcos a saan a patien ti aliansa a ti panangpapatay iti rinibribu nga indibidual ti mangrisut iti parikut ti iligal a droga.
Impaganetgetna a saan a kasapulan a dumalan iti nadara a solusyon ti panangrisut ti krimen ken droga.
”Sa laban naman sa kontra droga at sa krimen, hindi po natin kailangang dumaan sa madugong solusyon, wala po sa amin ang naniniwala na ang solusyon sa krimen at sa droga ay ang pumatay ng libo-libo na kapwa nating Pilipino.”
”Hindi po tama ‘yun.”
PRESIDENT FERDINAND “BONGBONG” MARCOS JR.
