Makisarsarita ita ni President Ferdinand “Bongbong” Marcos Jr. kenni His Highness Mohamed bin Zayed Al Nahyan, presidente ti United Arab Emirates (UAE) tapno talantatenda ti mannarimaan a sitwasyon ti Gulf region ken kasasaad dagiti residente idiay, pakairamanan dagiti Pilipino.
Iti panagsarita dagiti dua a lider, inyebkas ti presidente ti talek daytoy iti panangidaulo ti UAE tapno mapagtalinaed ti seguridad dagiti amin a residente ti pagilian pakairamanan ti agarup maysa milyon a Pilipino nga adda sadiay.
Sigun kenni President Ferdinand Marcos, Jr., kasapulan a siguradoen ti gobyerno ti Pilipinas ti seguridad dagiti Overseas Filipino Workers (OFWs) idiay UAE isu’t gapunna a nainget iti panagmonitorda kadagiti nagduduma a rehiyon sadiay.
Namnamaen met ni President Bongbong Marcos, Jr. a malpasen ti tensyon ken kinaranggas iti Gulf region tapno maisublin iti normal ti sitwasyon iti kabiitan a panawen.
Ti United Arab Emirates (UAE) ket maysa kadagiti pagilian nga addaan iti kaaduan a komunidad ti Pilipino idiay Middle East. //BomboKCS
