Binabalaw ni President Ferdinand Marcos Jr. ti kampo dagiti Duterte iti mismo a balwarteda idiay Davao.
Iti political rally ti Alyansa Para sa Bagong Pilipinas idiay Carmen, Davao del Norte, binabalaw ni President Marcos dagiti statement ni sigud a President Rodrigo Duterte a pummatay laeng ti sangapulo ket lima a senador tapno makastrek ti bunggoy daytoy.
Sigun kenni President Marcos Jr., masmasdaaw daytoy ta adda laeng ti maymaysa a makapanpanunot ti solusion iti amin a banag ket daytoy ti pummatay.
Immuna gamin a dinakamat ni sigud a President Duterte ti nasao nga statement iti proclamation rally ti bunggoyda iti Club Filipino, San Juan City idi Pebrero 13, 2025.
Naamuan nga adda idiay Davao ti Alyansa Para sa Bagong Pilipinas wenno ti administration slate para iti panangrikusda para iti kampania.
Immunan nga inreport ti Bombo Radyo Davao nga adda dagiti immikkat iti lugar kalpasan a nagbitla ni President Marcos Jr.
