Nakadanonen ni President Ferdinand Marcos Jr. idiay United Arab Emirates kalpasan a nagturong daytoy idi kalman ti rabii para iti “working visit” daytoy.
Sigun iti Malakanyang, pimmanaw daytoy idi kalman iti oras ti 9:11 p.m.
Kadua ti Presidente ni sigud nga Interior Secretary Benhur Abalos gaputa daytoy ti nasinged iti royal family ti United Arab Emirates.
Malaksid iti dayta, kaduada pay iti panagbiahe da Environment Secretary Toni Loyzaga, National Commission for Culture and Arts chairperson Vic Manalo, ken Foreign Affairs Undersecretary Charles Jose.
Makipagsinnarak ni Marcos kenni His Highness Sheikh Mohamed bin Zayed Al Nahyan idiay Abu Dhabi ita nga aldaw.
Immunan a kinuna ni Presidential Communications Office Acting Secretary Cesar Chavez a paset da Executive Secretary Lucas Bersamin, Justice Secretary Jesus Crispin Remulla, and Agrarian Reform Secretary Conrado Estrella III iti caretaker committee bayat a ni President Marcos Jr. ket adda iti ballasiw-taaw.
