Silulukat ni President Ferdinand Marcos Jr. iti gakat a mangpainget iti panagaramat dagiti menor de edad iti social media.
Panggep daytoy a masalakniban dagiti agtutubo kontra kadagiti peggad kas iti cyberbullying ken isyu ti mental health.
Sigun kenni Palace Press Officer USec. Claire Castro, napagsasaritaan ti epekto ti nalabes a panagaramat iti sumagmamano nga online application kadagiti agtutubo, partikular ti pannakaadikto kadagiti naranggas nga online games.
Gapu iti dayta, kinunana a rumbeng a maiparit daytoy iti pagilian a Pilipinas.
Namnamaen ti opisial a makaaramid a dagus dagiti maseknan nga opisiales iti linteg para iti pannakaiparit dagiti nasao a nararangas nga online applications.
Daytoy ket kasaruno ti imbestigasyon nga agay-ayam iti GoreBox ti maysa kadagiti suspek iti shooting incident a napasamak iti maysa a pagadalan idiay Tacloban City.
Temporaryo nga impawil ti Cybercrime Investigation and Coordinating Center ti nasao a game application gapu iti kinaranggas daytoy.//mp4
