--Ads--
Impeksa ni President Ferdinand Marcos Jr. ti suporta ti pagilian iti Ukraine kagiddan ti panakalagip ti 1000th day a gubat iti nagbaetan dagitoy kontra iti Russia.
Sigun kenni Marcos Jr., impettengna ti suporta ti pagilian kabayatan ti panagbisita ni Ukrainian President Volodymyr Zelenskyy sadiay Manila, lima a bulan ti napalabas.
Mangnamnama met ti presidente a magun-od ti agnanayon a kappia iti pagilian a Ukraine nangruna ket maysa daytoy a partner ti Pilipinas.
Maipalagip nga idi Hunyo ket nangipatulod ti pagilian iti medical professionals sadiay Ukraine para iti panakaipaay ti psychological needs kadagiti Ukrainian soldiers.
