Impakita ni President Ferdinand Marcos Jr. iti maysa nga aid distribution idiay Maynila ti panangingatona iti sako iti bagas nga agtimbang iti sangapulo, kagiddan ti agtultuloy a panangilibakna kadagiti agwarwaras a damag seknan iti salun-atna.
Nagangaw pay iti presidente nu siasino ti adda iti sakitna sakbay daytoy a nangipakita iti pigsana iti sangwanan dagiti tattao babaen iti panagawitna iti bagas.
Kaduana iti aktibidad da Manila Mayor Isko Moreno ken Vice Mayor Chi Atienza, iti panangiwaras iti tulong iti tengnga iti panagngato iti presio iti lana gapu iti tension idiay Middle East.
Sigun kenni Marcos, awanen ti maaramidan iti presio iti lana, ngem adda pay ti mabalin a maaramidan iti gobierno iti presio iti taraon.
Puntiria iti programa a makaawat iti bagas ti 80,000 benepisyaryo idiay Manila.
Iti agdama, dumanoen iti dandani P15 bilion ti nairuar para iti nasao a program.
