Impetteng ni President Ferdinand “Bongbong” Marcos Jr. a silulukat daytoy a mangdengngeg iti sensible” suggestions manipud kadagiti Dutertes iti panakasolbar kadagiti naanomalyaan a flood control projects.
Immunan met nga impakaammo ni Palace Press Officer Undersecretary Claire Castro nga agtultuloy a makipagtrabtrabaho ti Presidente iti panangrisut kadagiti isyu seknan iti nasao a proyekto.
Kinunana a dagiti komento a saan a nasayaat ket saan a makatulong nangruna ket awan ti maisuhestyonda a solusyon daytoy.
Impettengna pay a nasaysayaat laengenen no tumulong dagiti Dutertes iti pagilian babaen iti panangipakaammoda iti publiko seknan kadagiti flood control projects iti naglabas nga administration ti ama-da a ni sigud a President Rodrigo Duterte.
Innayonna a rumbeng nga ipakaammoda iti publiko ti 13,917 a flood control projects iti napalabas nga administration tapno maammuan ti publiko no dagitoy ket nagaramid, operational ken epektibo.
Daytoy ket kasaruno ti panangbabalaw ni Davao City Vice Mayor Sebastian “Baste” Duterte iti Marcos administration seknan iti isyu kadagiti flood control projects.
