Nasapa a kinablaawan ni President Ferdinand “Bongbong” Marcos Jr. ni sigud a President Rodrigo Duterte iti umadanin a panagkasangayna.
Daytoy ket iti baet ti panangbanat manen ni Duterte kenni Marcos gapu iti maisaksakad a Charter Change nu sadino sigun iti sigud a presidente ket panggep laeng ni Marcos a mailaylayon ti terminona kas presidente ti pagilian.
Ni Duterte ket agtawen iti pito pulo ket siyam inton Marso 28.
Impeksa met ni Marcos a kabaelanna nga isina ti trabahona ken ti personal a biagna.
Maipalagip nga itay nabiit ket inakusan ni Duterte ni Marcos a drug addict ken binallaaganna daytoy a posible a maipada iti amana a daydi sigud President Ferdinand Marcos Sr. a napapanaw iti pwesto.
Kinatawaan met ni Marcos ti immunan nga akusasyon ni Duterte nga agar-aramat daytoy ti iligal a droga.
Nupay kasta, itay laeng nabiit ket pinaglibakan ni Duterte a saanna nga imbagbaga a nairaman ni Marcos iti iligal a droga.
