Idagdagadag ni President Ferdinand “Bongbong” Marcos Jr. kadagiti Pilipino a panunoten dagitoy no ania ti pudno a daton a mangpapigsa pay iti Pilipinas kagiddan ti pannakipasetna iti panang-obserbar dagiti muslim communities iti Eid’l Adha wenno ti Feast of Sacrifice ita nga aldaw.
Sigun kenkuana ti nasken nga aramiden ti publiko tapno umasideg iti Namarsua ket rumbeng nga agpakumbaba.
Kinunana a ti “Eid’l Adha ket saan nga agturong iti maysa a lugar no di ket agturong iti napinpintas a panagpuspuso.
Namnamaenna pay nga ita nga aldaw ket ad-adda a mapapigsa ti pammati ti tumunggal maysa a mangsango iti panagbiag.
Kabayatanna, namnamaen met ni Vice President Sara Duterte ti pananglagip iti Eid al-Adha ket mangipalagip kadagiti Pilipino iti kinapateg ti sakripisyo, pammati, ken kinasingpet.
