Impakaammo ni Dr. Clarito De Francia, Bombo International News Correspondent idiay Estados Unidos, a naannayas ti kaleppas nga United States Presidential election sadiay ita nga aldaw.
Iti pannakiuman ti Bombo Radyo kenkuana, kinuna a naragsak daytoy agsipud ta adda a nasayaat ti kasasaad sadiay.
Nupay kasta, impeksana a saan latta a maliklikan nga adda ti sayangguseng iti nagbaetan dagiti supporters dagiti dua a nagkandidato ngem normal laeng daytoy.
Sigun kenkuana, patienna a maysa a rason iti panagballigi ni Donald Trump ket gapu iti napintas a kari ken inar-aramidna bayat ti panagtugawna kas presidente idi napalpalabas a tawen.
Daytoy ket kas iti panagpaingetna kadagiti boarders tapno maliklikan a sumrek dagiti iligal nga indibidual kasta metten ti nababa a presyo dagiti kangrunaan a gagatangen sadiay pakairamanan iti panangimaneharna iti ekonomiya.
Patienna metlaeng a naabak ni Kamala Harris agsipud ta makitana a saanna daytoy a kabaelan a mangimanehar iti maysa a pagilian ken dadduma pay.
Iti sabali a bangir nagpalagip metlaeng daytoy kadagiti overseas filipino workers tapno saysayaaten ti panagtrabaho dagitoy ken ipakita a kabaelanda ti propesyon ken abilidadda.
