BAGUIO CITY – Agtaltalinaed nga stable ti presio dagiti highland vegetables ken round fruits a kadaywan a maidasdasar iti pagsarabo ti baro a tawen,
Iti panagwanawan ti Bombo Radyo Baguio sadiay Baguio City Public Market, agay-ayam iti P10 agingga P25 ti presyo ti tunggal pidaso ti sweet pears bayat a P10 to P20 ti tunggal pidaso ti apple.
Magatang met iti P160 ti tunggal kilo ti longgan bayat a P240 ti seedless a grapes, P150 ti red globe, P100 ti pinya, P100 ti tunggal pidaso ti medium a watermelon, P60 to P100 ti tunggal kilo ti orage depende iti klasena ken honey dew a P70 ti tunggal kilo.
Sigun kadagiti vendors, nariknada ti panagado ti buyers idi bisperas ti paskua ken namnamaenda met daytoy inton tapos ti agdama a bulan nupay addan dagiti sumagmamano a market goers a nasapa a gimmatang kadagiti round fruits.
Kinunada nga ado ita ti stocks-da a prutas ngem iti kanito a maibbos ket manamnama a ngumato ti presio dagitoy.
Imbinglayda pay a pabor kadakuada ti panagado dagiti turista a sumangsangbay ditoy siudad a maysa kadagiti nangpabiyag iti operasionda iti merkado publiko.
Kabayatana, dinakamat met ni Sonny Benedicto, dadaulo ti Hanger Market Vendors’ Association nga ado latta ti suplay ti nateng iti merkado a nangitunda iti panagbbaba ken panagsubli iti normal a presio dagitoy.
Kinunana a ti sweet pewas laeng ti nginmina a magatang iti P200 tunggal kilo gapu iti agkurkurang a suplay dagitoy.
Nupay kasta, bimmaba ti presio dagiti nateng nga ingredients ti chopsuey kas iti repolyo ken pechay a P15 agingga P20 tunggal bundle; cauli flower a P15 tunggal kilo no sadino adayo ti bimmabaanna no idilgi iti sigud a presio daytoy nga P80 bayat a magatang ti brocolli iti P40 agingga P50.
Dinakamat ni Benedicto a manamnama nga agtalinaed ti presio dagiti nateng = agingga iti panagsangbay ti baro a tawen gaputta ado ti suplay dagiti mannalon sadiay probinsia ti Benguet.
Nakalukat met ti Baguio City Public Market ken Hanger Market uray pay inton Enero 1, 2022.
