--Ads--
BAGUIO CITY – Nangrugin ti nainget a panangwanawan ken panangbantay ti Department of Trade and Industry (DTI) kadagiti mailaklako nga office ken school supplies ditoy lokalidad para iti umadani manen a panaglukat ti klase inton Hunyo.
Sigun kenni DTI – Baguio-Benguet Provincial Director Freda Gawisan, agtaltalinaed paylaeng iti normal ti presyo dagiti school supplies ditoy lokalidad kas maibasar iti kaudian a panagwanawan dagitoy.
Kinunana a kangrunaan a kitkitaenda ket ti panagtulnog dagiti negosyante iti naituding a Suggested Retail Price (SRP) tapnu awan dagiti agabuso a mangipataw iti overprice a produkto.
Innayonna a manamnama nga inton sumaruno a lawas ket adda iti panagngato iti presyo kadagiti sumagmamano nga school supplies.
