Ngimmato ti presyo dagiti sabong, nangruna ita nga umadani ti Undas a saan unay a napasaran ti panagtudtudo.
Iti pannakiuman ti Bombo Radyo kenni Rosemarie Bulsao-Langawan, maysa a cut flower farmer sadiay Tubay, Benguet, naobserbaran dagitoy nga adu ita dagiti gumatgatang iti sabong.
Kangrunaan kadagiti a kustomer dagitoy dagiti metlaeng buyers manipud iti rehiyon Cordillera bayat a dagiti dadduma ket ipatulod dagitoy sadiay Metro Manila.
Sigun kenni Langawan, dumanon iti P200 per dozen ti panaggatang kadakuada dagiti ahente no dagitoy ti agturong kadagiti talon.
Nupay kasta, dipende metlaeng ti presyo iti size, kinapintas ken kalidad dagiti sabong.
Kabayatanna, kinuna ni Langawan a maysa a karit kadakuada ti nangina a presyo dagiti abuno ken pestisidyo.
Malaksid iti dayta, karit kadagiti cut flowers farmers dagiti imported a sabong.
Insingasing daytoy a nasaysayaat no dagiti maangkat a sabong manipud kadagiti dadduma a pagilian ket dagiti sabong a saan a kabaelan nga iproduce ti Pilipinas wenno dagiti saan a maimulmula iti pagilian.//mp4
