Agtultuloy ti panagngina iti presyo dagiti sabsabong sadiay La Trinidad kagiddan iti panagngato iti demand para iti mapaspasungadan a Valentine’s Day .
Para iti presyo ti rosas a kangrunaan a magatgatang, dumanon daytoy iti P1,000 agingga P1,200 ti Extra-long stem, P1,000 para iti long stem, 800 para iti medium stem, ken 500 para iti short stem.
Sigun kenni Councilor Belmer Elis, umdas ti supply iti sabong a mailaklako saan laeng a ditoy rehiyon nu di ket pati iti dadduma pay a lugar kas iti National Capital Region.
Innayon pay ti konsehal nga ti panangingato iti presyo ti pagsubbotan dagiti local farmers kalpasan iti pannakalugi da gapu iti pandemya.
Sigun pay kenkuana, direktan dagiti farmers a mangilako kadagiti suki da nga isu’t rason nu apay a dakdakkel iti pammastrekanda gapu ta awanen iti middleman.
Nadakamat pay iti konsehal nga adda dagiti mailaklako nga imported a sabong ngem maymayat latta iti kaledad iti lokal gapu ta mas bumayag dagitoy ken nalaklaka pay.
Kabayatanna, inpanamnama met ni Councilor Elis nga umdas dagiti sabong a mabalin a mausar iti Grand Float Parade para iti Flower Festival ditoy Baguio City.
Nagkiddaw pay isuna a sapay kuma ta dagiti lokal a sabsabong iti maaramat iti nadakamat a festival tapno makatulong kadagiti local farmers iti rehiyon. // RK Bantiding
