--Ads--
![](https://img.bomboradyo.com/baguio/2022/08/Salt.jpg)
BAGUIO CITY – Inaprubaran ti Department of Trade and Industry (DTI) ti panagngato ti suggested retail prices ti asin kalpasan ti innem a tawen a saan a nabalbaliwan daytoy.
Ngumina iti P21.75 ti 500 grams ti iodized rock salt ken P23 iti tunggal maysa a kilo.
Naituding met ti P4.50 a suggested retail price para iti 100-gram pack ti iodized salt, P9 agingga P11.75 iti 250-gram pack, P16 agingga P21.25 iti 500-gram pack ken P29 iti tunggal kilo ti asin.
Iti baet ti panagngato ti presyo ti asin, impetteng ni DTI Undersecretary Ruth Castelo a saan nga agkurkurang ti suplay ti asin iti pagilian.