--Ads--
Bimmaba ti presyo ti kamatis iti P4 tunggal kilo kagiddan ti oversupply iti daytoy.
Sigun kenni Samahang Industriya ng Agrikultura (SINAG) executive director Jayson Cainglet, ti farmgate iti kamatis ket dumanon iti P4 agingga P5 tunggal kilo.
Kinunana a dagiti lugar a maap-apektaran iti nababa a presyo daytoy ket ti Pangasinan, Nueva Ecija, ken Nueva Vizcaya.
Ti kaudian a presyo ti kamatis a naipablaak ket dumanon iti P40 ita a bulan ti Pebrero.
Maipalagip met nga idi napalabas a bulan ket dimmanon iti P300 ti tunggal kilo ti kamatis.
Kabayatanna, kidkiddawen iti SINAG ti panangimplementar ti gobyerno iti floor price tapno saan a malugi dagiti mannalon gapu iti oversupply.
