--Ads--
BAGUIO CITY – Bimmaba ti presyo ti strawberry sadiay La Trinidad, Benguet kagiddan ti panagadu ti suplay iti daytoy gapu iti pannakarambak ti Strawberry Festival.
Sigun kenni Jumelyn Buya, maysa nga strawberry grower iti nasao a munisipyo, kadawyan a nababa ti presyo ti strawberry tunggal marambakan ti Strawberry Festival.
Kinunana nga adu ti suplay ti strawberry nga agtataud saan laeng a sadiay La Trinidad no di ket uray pay sadiay Tuba ken Kibungan.
Iti agdama ket aggatad ti tunggal presio ti strawberry iti P150 aginggat P180 bayat a ti strawberry picking ket P450.
Innayonna nga iti agdama ket nababa latta ti demand iti strawberry ngem mangnamnama daytoy a pumintas ti panaglakuan iti nasao a prutas kadagiti masungad nga al-aldaw.
