BAGUIO CITY- Bimma ti presyo ti sumagmamano a nateng iti La Trinidad Vegetable Trading Post idi agsapa.
Iti panakiyuman ti Bombo Radyo kenni Agot Balanoy, panakangiwat ti liga dagiti asosasyon sadiay, kinunana nga adu ti suplay isut gapuna a bimmaba ti presyo ti karot, repolyo ken wombok.
Sigun kenkuana, saan met a nababbaba no iti cost of production ti presyo ti repolyo ken wombok bayat a below cost of production ti karot.
Dinakamatna nga adu ti nabasa a karot isut gapuna a nababa met ti kalidad dagitoy a rason tapnu nalaka ti panggatang dagiti buyers.
Innayonna nga adu ti suplay gaputa adu dagiti mannalon a nagbiahe gapu iti napintas a sasaaden dagiti kalsada a paturong iti trading post manipud iti amianan a paset ti Benguet ken iti Mt. Province.
