Nangipaulog ti National Police Commission (NAPOLCOM) iti preventive suspension iti sigud a hepe ti Criminal Investigation and Detection Group (CIDG) ken direktor ti Police Regional Office 12 (PRO12) a ni Police Brigadier General Romeo Macapaz.
Nasuspinder daytoy gapu iti grave misconduct ken conduct unbecoming of a police officer maibasar iti resolusion kontra kenkuana.
Sigun kenni NAPOLCOM vice chairperson ken executive officer Commissioner Rafael Vicente Calinisan, inkonsiderada ti motion for preventive suspension nga impila ti complainant Elakim T. Patidongan.
Gapu iti dayta, naipaulog ti 90-day preventive suspension kenni Macapaz.
Maipalagip a nagturong iti NAPOLCOM dagiti agkabsat a Julie “Dondon” ken Elakim Patidongan tapno mangipila iti complaint-affidavit kontra ken ni Macapaz idi Agosto 14, 2025.
Daytoy ket mainaig iti kaso dagiti mapukpukaw a sabungeros.
