Inlawlawag ni Baguio City National High School principal Whitney Dawayen ti rason nu apay a nangipaayda ti enrollment form ken number kadagiti estudyante ken nagannak a nagpila idi Hulyo a dies nupay ita nga aldaw, Hulyo 11 ti naituding nga enrollment dagiti senior high school.
Sigun kenni Principal Dawayen, awan ti inruar wenno impablaakda nga advisory nga agpila dagiti nagannak ken estudyante idi Hulyo a dies ngem adda latta dagiti nagpila iti ruar ken kayatda pay a maturog iti nasao a pagadalan.
Gapu iti daytoy, impeksa ni Dawayen a napagdesisyonanda nga ipaayan iti enrollment form ken number dagiti nagpila tapno agawiddan ken saan a masayang ti bannogda.
Impetteng met ti nasao nga opisyal nga awan ti priority ken pilpilienda nu maipapan iti panag-enroll gapu ta uray sadino a lugar ti nagtaudan dagiti estudyante iaakomodarda babaen iti first come first serve basis.
Kiniddaw met ni Dawayen ti pannakaawat dagiti estudyante ken nagannak iti napasamak.
Agarup walo gasut laengen a senior high school ti kabaelan nga iakomodar ti Baguio City National High School rason nga inrekomendar ni Dawayen ti panag enroll dagiti saan a nakasangbot iti dadduma a parapubliko a pagadalan iti siudad ti Baguio.//Bombo Jez Lapizar
