Nakapilan dagiti priority bills ken resolusion dagiti sumagmamano a senador para iti maika-duapulo a Kongreso.
Sigun iti Senate’s bills and index section, ni Senador Loren Legarda ti umuna a nangipila iti sangapulo a priority bills.
Dagiti impilana ket ti One Tablet, One Student Act, Pangkabuhayan Act, Unpaid Care Workers Equity and Empowerment Act, Magna Carta of Waste Workers, Living Wage Act, Monthly Maintenance Medication Support Act for Senior Citizens, Women and Children Protection Units Act, Low Carbon Economy Act, Complementarity in Education Act, ken ti Blue Economy Act.
Maikadua a nangipila ket ni Senate President Francis “Chiz” Escudero, a nangipila metlaeng iti sangapulo a priority bills.
Simmaruno ni Senate President Pro Tempore Jinggoy Ejercito Estrada, a mangidagdagadag iti panangitandudo iti “safer communities” ken “future-proof essential public services.”
Karaman pay kadagiti duapulo a legislative proposals na ket ti maysa a wagas a mangipanamnama iti binulan nga stipend para kadagiti amin a senior citizen—P1,000 para kadagiti indigents, ken P500 para kadagiti saan nga indigents, a manayonan kalpasan ti lima a tawen.
Impila pay ni Estrada ti Disaster Food Bank and Stockpile Act, Department of Disaster Resilience Act, Rainwater Harvesting Facility Act, ken dadduma pay.
Kabayatanna, dagiti simmaruno pay a nangipila ket da Senador Robin Padilla, Senator Joel Villanueva, Senador Erwin Tulfo, Senator Bong Go ken dagiti dadduma pay.
