Naituding nga aghost ti Probinsia iti Benguet para iti mapadpadaanan a Cordillera Administrative Region Athletic Association (CARAA) Meet 2025.
Iti pannakiuman ti Bombo Radyo kenni Cyrille Gaye Miranda, pannakangiwat iti Department of Education – Cordillera kinuna na a napili ti probinsia iti Benguet agsipudta immuna daytoy a nagpropose para iti pakaisayangkatan iti CARAA Meet 2025 bayat a posible a maangay ti CARAA MEET 2026 iti Probinsia iti Abra.
Kabayatanna, inakari ni Congressman Eric Go Yap a posible a maileppas ti Aquatic Center sadiay La Trinindad sakbay a maangay ti CARAA 2025 iti nasao a probinsia.
Iti sabali a bangir, manarimaan ti district ken division meets kadagiti nagduduma a probinsia iti nasao a Rehion.
Sumagmamano a pagadalan iti Rehion ti nangirugi iti bukoda a division meets ita a bulan iti Nobiembre angingga inton Disiembre.
Inwaragawag pay ni Miranda nga intun Pebrero a maangay ti CARAA 2025 kas panagsagana iti palarong pambansa intun Abril a maangay idiay Laong City, Ilocos Norte.//MarielP4
