APAYA0- Nangrugi a bimmassit ti bilang ti botante iti probinsia ti Apayao gapu iti pannakaisina daytoy iti Kalinga idi 1987.
Iti interview ti Bombo kenni Atty. Reyman Solbita, kinunana a maysa a probinsia idi ti Apayao ken Kalinga.
Nupay kasta, naisina daytoy gapu iti plebisito a “Separating the province of Apayao and Kalinga”.
Gapu iti dayta, bimmasit ti botante sadiay Apayao ken immadu sadiay Kalinga.
Kabayatanna, agtultuloy ti isaysayangkat ti Comelec Apayao a voter’s registration ken dadduma pay a wagas tapno mapaadu ti botante iti nasao a lugar.
Sigun kenni Atty. Solbita, maysa a mangap-apektar iti bilang dagiti botante ti Apayao ti kinabassit ti papulasion sadiay.
Malaksid iti dayta, narigat a madanun dagiti sumagmamano a paset ti nasao a probinsia gapu iti kinarigat dagiti pagnaan nga agturong kadagiti barangay.//mp4
