Bambantayan ti Commission on Elections-Cordillera ti probinsya ti Abra, kasaruno ti maaw-awat dagitoy a report seknan iti nagsisinaruno a pammaltog sadiay.
Iti pannakiuman ti Bombo Radyo kenni Atty. Julius Torres, Regional Director iti Commission on Elections-Cordillera, kinunana a manarimaan metten ti imbestigasyon dagiti pulis sadiay seknan kadagiti nadakamat nga insidente.
Nupay kasta, kinunana a saan pay a maideklara daytoy nga election related violence gaputa manarimaan paylaeng ti imbestigasyon.
Kabayatanna, inlawlawag metlaeng ni Torres a maipasidong ti maysa a lugar iti red category wenno maysa kadagiti mabantayan ita nga election period no mapaneknekan nga adda dagiti election related violence, sigud a naideklara metlaeng daytoy iti red category iti napalpalabas nga eleksyon ken dadduma pay.
