Generally peaceful ti probinsya ti Kalinga kagiddan ti election period.
Iti panakiuman ti Bombo Radyo kenni Atty. Ricardo Lampac, Provincial Election Supervisor ti Kalinga, kinunana a naannayas ti kasasaad ti probinsya dagitoy no sadino nakakategoryada iti green catergory.
Sigun kenni Atty. Lampac, deployment laeng ti mapaplano gapu ta nalpasen ti training kadagiti agbalin kas electoral board kasta met ti daduma a panagsagana dagitoy.
Kinuna ni Atty. Lampac a naideliver metten dagiti sumagmamano a paraphernalias a kasapulan dagitoy iti umadanin nga eleksyon kas iti ballot box ken battery.
Nupay kasta, ur-urayenda paylaeng dagiti official balot kasta met ti voter’s information sheet.
Imbinglay ti nasao a Provincial Election Supervisor a dagiti kandidato iti nasao a probinsya ket “very educated” gapu ta ammoda nga suruten dagiti pagalagadan iti Commission on Elections.
Naikkat metten dagiti tarpaulins dagiti kandidato a naipaklat kabayatan dagiti piyesta ken holiday seasons ket immunan a nagpaabiso ti Commission on Elections.
Makitkita met a babaen iti naipatpatungpal a voter’s information ket napakaammoan dagiti kandidato ken dagiti botante maipapan ti eleksyon.
