Impetteng ti defense team ni sigud a President Rodrigo Duterte a pagpatinggaen ti International Criminal Court (ICC) ti proceedings iti kaso ni Duterte a crime against humanity gapu iti kinakurang ti hurisdiksionna daytoy.
Sigun kadagiti abogado ni Duterte, saan a mabalin nga imbestigaran ti ICC dagiti aksion ti maysa a pagilian a saanen a paset iti Rome Statute.
Maipalagip a nagsanud ti pagilian manipud iti Rome Statute a nagipektibo idi March 17, 2019 no sadino, dua a tawen ti napalabas sakbay nga inruar ti Pre-trial Chamber ti desisionna.
Gapu iti dayta, dagiti preconditions iti panangipakat iti hurisdiksion ket saanen a mabalin.
Kabayatanna, natuding intun September 23 iti agdama a tawen ti confirmation of charges hearing ni sigud a Presidente Duterte
