Umad-ado ti suplay dagiti highland vegetables nangnangruna dagiti leafy vegetables kas iti repolyo, wombok, ken broccoli gapu iti agtultuloy a panagtudtudo kadagiti sumagmamano a lugar iti probinsya ti Benguet.
Iti panakiuman ti Bombo Radyo kenni Agrex Sanio, maysa a mannalon manipud iti Munisipio ti Atok, Benguet nakunana a mangrugi metten nga umado ti maap-apitda a nateng gapu iti umdas a suplay ti danom.
Naibinglay daytoy nga idi napalpalabas a bulan ket masansan ti panagtodona, isu’t gapuna a kinasapulanda nga agsakdo iti danum manipod kadagiti bubon tapno adda ti usarenda a pagsibog kadagiti mula dagitoy.
Kabayatanna, naiyebkas daytoy a bassit ti bilang dagiti buyers a simmang-at sadiay La Trinidad Trading Post isu’t gapuna a nabuntog ti panakagatang dagiti nateng dagitoy ita nga aldaw, May 03, 2025.//Bombo Genzel Depayso
