BAGUIO CITY – Maitaltal-o ti produksyon iti kaunaan a tilapia noodles iti probinsya ti Kalinga.
Kasaruno daytoy iti naangay a tilapia noodle making ken cooking activity sadiay Calaccad, Tabuk City, Kalinga kas paset iti Regional Fisherfolk Director (RFD’s) immersion iti nasao a probinsya iti panakarambak iti Farmers and Fisherfolks Month.
Ti aktibidad ket pinasetan da Regional Fisherfolk Director (RFD) Osmeña Lampitao ken FARMC Focal Hector De Guzman.
Panggep ti nasao nga aktibidad a mapasayaat pay iti kapasidad dagiti farmers ken fisherfolk iti innovation nu sadino nangipaay iti assistance ti Bureau of Fisheries and Aquatic Resources (BFAR) – Cordillera iti St. William Farmers’ Cooperative tapnu mapapigsa iti potentialda iti tilapia noodle making.
Gapu iti daytoy, manamnama iti panakaibangon ti maysa a market para iti business venture iti nasao a kooperatiba iti tilapia noodles.
Sigun iti BFAR CAR, ti food processing center iti nasao a kooperatiba ket napondoan iti sidong ti Special Area for Agricultural Development bayat a dagiti coop members ket nakaadal iti skills training manipud kadagiti daduma nga government agencies.
