Agtultuloy ti programa ti BJMP Male Dormitory iti siudad ti Baguio a tumulong kadagiti Persons Deprived of Liberty (PDL) nga addaan iti tema a “Celebrating Craftmanship and Second Chances”.
Daytoy ket babaen iti panangidaulo ni JCINSP Dexter Ngipol.
Babaen iti nasao a programa ket maipakita ti woven bags ken rattan crafts a mangipakpakita iti creativity, dedication, ken resilience dagiti PDLs.
Dagiti produkto ket mabalin a magatang iti Historical Core, Camp Jhon Hay agingga inton Abril 5, 2026 ken pakabuklan met a bulan ti Abril a maiparang iti Burnham Park, Baguio City.
Agyamyaman met dagitoy iti publiko nangruna kadagiti gumatgatang iti produkto da.
Sigun kadagitoy, ti agtultuloy a suporta iti publiko iti produkto ket saan laeng a makatulong iti panangpasayaat iti pagbiaganda nu diket mangpatalinaed pay iti dignidad, namnama, ken baro a panggep para kadagiti PDL.
