BAGUIO CITY – Isaksakad ti lokal a gobierno ti Baguio City ti pannakaipatungpal ti Integrated Participatory Community Building Program (IPCBP) iti siudad.
Buklen daytoy dagiti programa para kadagiti drug surrenderers ken dagiti persons who used drugs (PWUDs) nu sadinno kangrunaan nga paset daytoy ti panakaipatungpal ti random drug testing.
Dumanon met iti 42 nga PWUDs ti mangrugi wenno agdama a maipaspasidong iti Community Based Drug Rehabilitation sessions ti naipasidong iti drug testing idi Marso 30 a naipatungpal iti CDRRMO Operations and Evacuation Center sadiay Lower Rock Quarry.
Indaoloan met dagiti personnel ti PDEA ti nasao nga testing nga inasistaran dagiti miembro ti Baguio City Police Office, CSWDO ken Barangay Drug Abuse Council (BADAC) . ‘
Agtultuloy met ti suporta ti Department of Health-CAR iti kampanya ti siudad kontra iti iligal a droga babaen ti panangipaayda iti drug test kits.
Manipod met kadagiti 42 PWUDs a naipasidong iti random drug test, 2 ti nagpositibo ken maipasidongda iti kaskenan nga assessment ken umno nga intervention.
