Naikeddeng a sungbatan ti prosecution panel ti kaso a crimes against humanity ni sigud a President Rodrigo Duterte iti sanguanan ti International Criminal Court ti kiddawna nga interim release iti maysa a pagilian.
Daytoy ket kalpasan a nakiddaw ti komento ti prosecution iti kinuna ti defense team ni Duterte a rumbeng a saan a makontra ti interim release a maitunos iti sumagmamano a kondision.
Maipalagip nga immuna a kiniddaw ti abogado ni Duterte a ni Nicholas Kaufman iti International Criminal Court a mawayawayaan ti kliyentena iti maysa a pagilian a saanen a nadakamat.
Maimatangan iti website ti ICC ti interim release a kiddaw ti abogado ni Duterte.
Ni Duterte ket sumangsango iti kaso a crimes against humanity iti International Criminal Court nga adda pakainaiganna iti pammapatay iti sidong ti kampaniana a war on drugs idi mayor daytoy ti Davao City ken idi President daytoy iti Pilipinas.
