Impudno ni sigud a Department of Public Works and Highways (DPWH) Undersecretary Roberto Bernardo a ti district engineering office iti DPWH ti mangpatpataray a bukbukodda kadagiti proyekto nga agbalor iti PhP150 million agpababa.
Sigun kenkuana, ti district office ti mangisagsagana iti program of works, dagitoy ti agi-bid ken agi-award, dagitoy metlaeng ti mangipaay iti notice ti proceed, kasta metten a dagitoy ti mangiyimplimintar.
Dagiti tattao a karaman iti daytoy ket dagiti poject inspector, project engineer, ken materials testing engineer nu sadino, dagiti chief of sections ti karaman nga agpirpirma kadagiti kaskenan a dokumento.
Ti panangiwaragawag iti daytoy ni Bernardo ket kasaruno ti panangsaludsod ni Senator Bam Aquino nu siasino dagiti agkakakumplot tapno maipatungpal dagiti ghost projects.
