BAGUIO CITY – Agtultuloy ti panagsuporta ti lokal a gobierno iti Bokod, Benguet iti Distance Learning ti DepEd nga isaysayangkat dagiti manursuro wennu empleyado iti DepEd Bokod District.
Inrugin ti lokal a gobierno sadiay ti proyekto a “Iskwidad Barangay ko,Pansilbian ko” ni sadinno nabukel daytoy babaen iti initiatibo dagiti opisyales ti munispyo ken babaranngay sadiay kas suporta iti Distance Learning kabayatan ti pandemya.
Babaen ti proyekto ket mangipaay ti Bokod-LGU iti lugan para iti transportasion dagiti modules kadagiti babaranggay nga idanon dagiti barangay officials iti pagtaengan dagiti estudyante.
Impasigurado met ni Mayor Thomas Wales Jr. a nainget a masurot latta dagiti health protocols seknan iti covid-19 tapnu malapdan iti panagwaras daytoy iti uneg ti nasao nga munisipyo.
Maipalagip nga idi napalabas a bulan ket impaima metlaeng ti lokal a gobierno iti Bokod ti school supplies nga aggatad iti nasurok P5-M para iti DepEd Bokod District.
