Inwaragawag ti maysa a humanitarian organization dagiti nagduduma a programa nga ipapaayda kadagiti ubbing ken pappamilya iti pagilian a Pilipinas.
Iti pannakiuman ti Bombo Radyo kenni Shirley Kimmayong, Communication Manager iti World Vision, maysa a global relief, development and advocacy organization a mangipapaay kadagiti community-based programs kadagiti Pilipino nangruna kadagiti ubbing, insalaysayna a ti nasao nga organisasyon ken aktibo iti agarup 100 a pagilian no sadino maysa ditoy ti pagilian a Pilipinas.
Sigun kenni Kimmayong, panggep ti nasao nga organisasyon nga itandudo ti human transformation, mangipaay kadagiti nagduduma a community-based programs, emergency relief, ken dadduma pay a programa nangnagngruna kadagiti ubbing, pamilyada, ken kadagiti komunidad.
Innayon ni Kimmayong a ti kangrunaan a pokus ti programa dagitoy ket ti edukasyon no sadino mangipapaay dagitoy kadagiti school materials tapno imbes a maaramat dagiti kwarta dagiti nagannak iti pananggatang kadagiti school materials, aramatenda laengen daytoy kadagiti innaldaw a panggastosda.
Malaksid iti dayta, mangipapaay pay dagitoy kadagiti child participation and protection activity tapno mailawlawag kadagiti ubbing dagiti karbenganda ken livelihood opportunities para kadagiti nagannak dagiti ubbing.
Impakaammo pay ni Kimmayong a mangipapaay dagitoy iti psychosocial interventions kas paset iti child friendly spaces program dagitoy no sadino matulongan dagiti ubbing a maiprioseso da a nasayaat dagiti emosyon a marikriknada.
Mainaig iti dayta . .
Impakaammo ni Shirley Kimmayong, Communication Manager iti organisasyon a World Vision a kas paset iti programada nga Child Friendly Spaces Program , maysa dagitoy kadagiti nangipaay ken mannarimaan a mangisaysayangkat iti psychosocial interventions para kadagiti ubbing a naapektaran iti 7.8 magnitude a gingined a napasamak idiay Mindanao idi Hunyo 8.
Sigun kenni Kimmayong, napateg ti nasao a psychosocial intervention tapno makatulong a maiproseso dagiti ubbing ti nariknada nga emotional distress kabayatan iti nasao a gingined nangnangruna ta napasamak daytoy iti umuna kuma nga aldaw nga iseserekda kadagiti pagadalan.
Malaksid iti psychosocial intervention , impakaammo ni Kimmayong a nangipaayda metlaeng kadagiti emergency response no sadino manu nga oras kalpasan ti gingined, dagos a nangisayangkat ti grupoda iti assessment kadagiti lugar a naapektaran tapno kitaenda dagiti kangrunaan a kasapulanda.
Kalpasanna, nangipaay dagitoy kadagiti food and non-food items kas kadagiti ules ken dadduma pay kadagiti naapektaran a pamilya.
Inwaragawag pay ni Kimmayong a panggepda nga ipaay dagitoy nga initiatiba ken programada agingga Abril inton sumaruno a tawen.
Innayonna pay a makikokoordinarda metlaeng kadagiti local government tapno maipadanon kadagiti lokal a komunidad dagiti nagduduma a programa da.
Iti udi na, nagyaman ni Kimmayong kadagiti sponsors ken donors ti nasao nga organisasyon ken impanamnamana nga itultuloyda ti misyonda a mangipaay iti “fullness of life” kadagiti ubbing ken mangted iti namnama para iti nasaysayaat a masakbayanda. //bombokaren.c.sapirao
