Naipatungpal ti public consultation nga inorganisar ti Department of Public Works and Highways (DPWH) Benguet First District iti Municipal Lednicky Hall idiay La Trinidad, Benguet idi kalman.
Dinar-ayan daytoy ni La Trinidad Councilor Jayson Dangwa, dagiti sumagmamano a barangay officials, city engineering officer, pannakabagi manipud iti BSU, La Trinidad Trading Post ken dadduma pay.
Ti public consultation ket maipapan iti 7 a proyekto iti masakupan ti munisipyu para iti tawen 2026 a napondoan babaen iti GAA 2026.
Karaman kadagiti proyekto ti Reconstruction to concrete pavement (Baguio- Bontoc Road); Reconstruction to concrete pavement (Benguet – Nueva Vizcaya Road); Improvement of Road along Strawberry Farm iti Swamp Area, Brgy. Betag; Improvement of Bektey- Ampasit Road; Rehabilitation of La Trinidad Trading Post Road (Phase 2); Improvement of Timoy- Talingguroy Road, Brgy. Wangal ken Construction of Multi-Purpose Facility, Brgy Beckel.
Mainaig ti dayta, maysa kadagiti kadakkelan ti nailatang a pondo para ita a tawen a proyekto ket ti uppat a pasdek ti Benguet State University.
Iti sabali a bangir, malaksid kadagitoy, naipresenta metlaeng dagiti singasing a proyekto dagitoy para iti tawen 2027.
Kabayatanna, maysa kadagiti kangrunaan a pakaseknan wenno isyu a nairuar iti public consultation ket ti maipapan iti road right of way, ken dadduma pay. | via Bombo Noveh Organo
