BAGUIO CITY – Maisayangkat dagiti public consultation ditoy siudad ti Baguio ken iti probinsya ti Abra, Tabuk City, Kalinga ken sadiay Bontoc, Mt. Province inton June 25-28.
Sigun kenni DOLE- Cordillera Regional Exequiel Ronie Guzman, para daytoy iti maisaksakad a panakaipangato ti sweldo dagiti mammangged ditoy rehiyon.
Kinunana nga isayangkat ti opisinada ken ti Regional Tripartite Wages and Productivity Board ti nasao a konsultasyon.
Matalantan iti konsultasyon posible a gatad a mainayon iti agdama a minimum wage ditoy rehiyon a P300.
Makipaset ditoy dagiti panakabagi ti labor sector, employers ken ti gobyerno partikular ti NEDA ken DTI.
Inlawlawagna a saan a nalaka nga ipangatoda ti sweldo dagiti mammangged iti pribado a sektor gaputa adda dagiti kasapulan nga ikonsidera tapnu mabalanse dagiti pagkasapulan dagiti mammangged ken dagiti employers.
