Nagraira dagiti scammers gapu iti panagado ti Free Wifi iti aglawlaw.
Iti pannakiuman iti Bombo Radyo kenni PCOL. Maria Theresa Pucay, dadaulo iti Regional Unti-Cybercrime Unit Cordillera, kinunana a masya dagiti Public Free Wifi a pakagun-udan dagiti scammers iti pribado a detalye ti maysa nga indibidual.
Malaksid iti dayta, ti kinaawan iti siguridad dagiti account ti maysa a maibilbilang a rason no apay a nalaka a ma-scam ti maysa a tao.
Sigun kenni PCOL. Pucay, baro a mudos ita dagiti scammer ti maaw-awagan nga “Identity Thief” no sadino, maalada dagiti pakabigbigan ti masya nga indibidual babaen kadagiti Public Free Wifi.
Kamaudiananna, mangipalud dagiti scammers iti mensahe kadagiti accounts dagiti sumagmamano nga indibidual babaen iti panagusarda iti na-accessda nga impormasion.
Agpammarang dagitoy nga impleyado iti bangko ken agkiddawda iti impormasion partikular kadagiti punteriada.
Nupay kasta, inyunay-unay ti nasao nga opisial a saan a direkta a tumawag dagiti empleyado iti bangko kadagiti customer dagitoy.
Gapu iti dayta, inyunay-unay ni Pucay ti saan a panang-intertain ken dagus nga i-block dagiti mapagduaduan a numero.//mp4
