Balligi a napaipatungpal ti kick-off ti Adivay Trade Fair iti Trade Fair Grounds idiay Wangal, La Trinidad ken daytoy ket naituding nga agleppas inton Nobyembre bente sais.
Iti nasao a trade fair, maitandudo dagiti nagduduma a lokal a produkto kas iti taraon a watwat, dagiti locally baked breads ken shawarma ken nagduduma pay a kita ti street foods.
Malaksid iti dayta, adda met laeng dagiti produkto a handcrafted wooden furniture ken indigenous crafts kas iti dining set, sala set, bed frame, cabinet, ken dadduma pay.
Nakipasetan met daytoy dagiti agarup sangagasut a traders wenno micro, small, and medium enterprises manipud kadagiti nagduduma a probinsya ti Cordillera ken kabangibang a rehiyon.
Kabayatanna, maal-allukoy ti publiko a makipaset ken gumatang kadagiti nagduduma a produkto manipud iti rehiyon Cordillera.
