--Ads--
Al-allukoyen ti Department of Energy ti publiko a makipaset iti maisayangkat nga Earth Hour kagiddan ti panakarambak daytoy inton rabii.
Para ita a tawen, ti tema ket “Switch Off and Secure Water for All,” a mangkidkiddaw iti energy conservation ken water security.
Sigun kenni Energy Secretary Raphael Lotilla, iti tunggal kilowatt-hour ti elektrisidad ket mangkasapulan iti danum kas iti thermal power plants, hydropower systems ken daduma pay.
Kinunana pay a daytoy nga aktibidad ket mangprotektar iti aglawlaw.
Daytoy nga Earth Hour ket maisayangkat iti oras ti 8:30 ti rabii agingga 9:30 ti rabii ita nga aldaw no sadino makidkiddaw ti panag-iddep iti silaw iti sangalubongan.
Maipalagip a nangrugi ti Earth Hour idi tawen 2007.
