BAGUIO CITY – Impeksa dagiti kameng ti kapulisan ti panagridam ti publiko kontra iti pickpocketing iti siudad ti Baguio.
Daytoy ket kasaruno ti insidente ti pickpocketing a nailista iti siudad.
Maibasar iti report, napasamak ti kaudian nga insidente ti pickpocketing idiay Rizal park, Baguio City itay nabiit.
Naibigbig ti biktima nga agtawen iti 24 a lalaki, awanan trabaho ken residente ti munisipyo ti La Trinidad, Benguet.
Iti inisyal nga imbestigasyon, magmagna ti biktima idi killaat nga inala ti suspek ti cellphonena a naikabil iti bulsa ti jacket daytoy.
Dagus a timmaray ti suspek ngem nakemmeg metlaeng babaen iti tulong dagiti kameng ti pulisya, bystanders ken dadduma pay a maseknan.
Nabigbig ti suspek a lalaki, agtawen ti 39, constraction worker a residente iti awanan Barangay, Pinsao proper Baguio City.
Iti agdama, adda itan iti kostudiya dagiti otoridad ti suspek para iti pannakaipila ti ti kaso ken umno a dokumentasyon.//Bombo Noveh Organo
