ATOK, BENGUET- Nagballaag ni Atok Mayor Franklin Smith iti publiko nga agannad dagitoy apaman nga agbiyahe agsipud ta mapaspasaranen ti panagtutudo iti paset ti Benguet no sadino adda dagiti sumagmamano a paset ti kalsada a makapaspasar kadagiti falling rocks.
Nagpalagip daytoy kalpasan ti napasamak nga aksidente no sadino natupakan dagiti dua a biktima iti natennag a bato manipud iti ngato ti kalsada iti paset ti Kilometer 34 Halsema Highway idi laeng kanikadua .
Iti interview ti Bombo Radyo kenkuana, kinunana nga agawid dagiti nasao a biktima idiay Mountain Province ngem saanda a ninamnama a kasjay ti napasamak kadakuada.
Dagus met a nagresponde dagiti otoridad isu’t gapuna a naitaray iti pagasasan ti maysa kadagiti dua a biktima a nadangran.
Iti agdama, agpatpatamig paylaeng ti nasao a biktima iti pagagasan.
Kabayatanna, inyu-unay ti nasao a mayor, partikular kadagiti motorista nga agannad tapno maliklikan ti aniaman nga aksidente.
