Pulis a tubo ti Kalinga a pimmusay bayat ti panagrespondeda iti insidente ti panaghold-up idiay Quezon City, naipaayan iti medalya

Napadayawan ni Patrolman Harwin Curtney Baggay babaen iti panangi-award ni PNP Chief Police General Nicolas D. Torre III iti medalya kas pammabigbig iti dedikasyonna iti trabahona.

Agdama met a nakamassayag ti bangkay daytoy iti Sacred Heart of Jesus Chapel sadiay Camp Karingal, Quezon City.

Maipalagip a ni Baggay, ket tubo sadiay Kalinga ngem pimmusay daytoy kalpasan a napaltogan bayat ti panagrespondena iti maysa nga armed robbery sadiay Barangay Commonwealth, Quezon City idi June 30,2025.

Kabayatanna, nangipaay metlaeng dagitoy iti financial assistance iti pamilya ti nasao a pulis.